Crime

માતાએ જ કરી ૧૦ મહિનાના દીકરાની ક્રૂર હત્યા, કારણ જાણી દંગ રહી જશો…!

10 મહિનાના બાળકની ક્રૂર હત્યા… ઔરંગાબાદઃ મહારાષ્ટ્રના ઓરંગાબાદથી હ્રદય ધ્રુજાવી દેનાર ઘટના સામે આવી છે. ઔરંગાબાદની એક મહિલાએ પોતાના 10…

10 મહિનાના બાળકની ક્રૂર હત્યા…

ઔરંગાબાદઃ મહારાષ્ટ્રના ઓરંગાબાદથી હ્રદય ધ્રુજાવી દેનાર ઘટના સામે આવી છે. ઔરંગાબાદની એક મહિલાએ પોતાના 10 મહિનાના દીકરાને પાણીથી ભરેલા ડ્રમમાં ડૂબાડીને મારી નાખ્યો હતો.

રિપોર્ટ્સ અનુસાર મહિલા એવું ઈચ્છતી હતી કે તેના ઘરે દીકરીનો જન્મ થાય પરંતુ દીકરો થયો આથી તેણે આવું અવિચારી પગલું ભર્યું હતું. પોલીસે હાલ મહિલાની ધરપકડ કરી છે. પોલીસના જણાવ્યાનુસાર મહિલાએ ઘરની બહાર રાખેલા ડ્રમમાં ડૂબાડીને દીકરાની હત્યા કરી હતી.

નોંધાવી હતી અપહરણની ફરિયાદ…

વેદિકા એરાંડે નામની મહિલાએ રવિવારે પોલીસમાં પોતાના 10 મહિનાના દીકરા પ્રેમ પરમેશ્વર એરાંડેના ગાયબ થવાની ફરિયાદ નોંધાવી હતી. મહિલાનું કહેવું હતું કે તેનો દીકરો ઘરેથી જ ગાયબ થઈ ગયો હતો.

આ ઉપરાંત તેણે એ પણ જણાવ્યું હતું કે તેને શક છે કે કોઈએ તેના દીકરાનું અપહરણ કર્યું છે. ફરિયાદ મળતાં જ પોલીસ તેના દીકરાની શોધ કરવા લાગી હતી. પોલીસે સૌથી પહેલા મહિલાના ઘરની તલાશી લીધી હતી. જ્યાં રવિવારે સાંજે દીકરાનું શબ ઘરની બહાર રાખેલા પાણીના ડ્રમમાંથી મળ્યું હતું.

પાણીના ડ્રમમાં ડૂબાડી કરી હત્યા…

બાળકનું શબ મળ્યાં પછી પોલીસે વેદિકા અને અન્ય લોકોની પૂછપરછ કરી હતી. પૂછપરછમાં વેદિકાએ દીકરાની હત્યા કરવાની વાત કબૂલી હતી.

પોલીસે જણાવ્યું હતું કે,’શબ મળ્યા પછી અમને શક થયો તો અમે વેદિકા અને તેના અન્ય સંબંધીઓની પણ પૂછપરછ કરી હતી. જેમાં એ જાણવા મળ્યું કે વેદિકાએ પોતાના જ 10 મહિનાના દીકરાની હત્યા કરી હતી.’

આખરે કબૂલી હત્યાની વાત…

પોલીસે જણાવ્યું કે આ પહેલા પણ વેદિકાને એક દીકરો હતો. જ્યારે પ્રેમ ગર્ભમાં હતો ત્યારે જ તે ઈચ્છતી હતી કે તેને દીકરી આવે પરંતુ બીજો દીકરો થતાં તેણે હત્યા કરી હતી. આ મહિલાની આઈપીસીની કલમ 302 હેઠળ ધરપકડ કરવામાં આવી છે અને પોલીસ વધુ તપાસ હાથ ધરી રહી છે.

loading...