Crime

૯ વોલ્ટ ની બેટરી ખરીદી હતી, છેલ્લાં ૨૭ વર્ષથી છે જેલમાં…!!?

રાજીવ ગાંધી હત્યા કેસમાં કરાઈ હતી ધરપકડ.. ચેન્નઈ: જૂન 11, 2018એ પેરારિવલનને જેલમાં રહ્યાને 27 વર્ષ થઈ ગયા, તે જેટલો…

Loading...

રાજીવ ગાંધી હત્યા કેસમાં કરાઈ હતી ધરપકડ..

ચેન્નઈ: જૂન 11, 2018એ પેરારિવલનને જેલમાં રહ્યાને 27 વર્ષ થઈ ગયા, તે જેટલો સમય જેલની બહાર રહ્યો છે તેના કરતાં 8 વર્ષ વધુ!. આત્મઘાતી હુમલામાં પૂર્વ વડાપ્રધાન રાજીવ ગાંધીના મોતના કેસમાં જ્યારે પેરારિવલનની ધરપકડ કરવામાં આવી ત્યારે તે 11 વર્ષનો હતો.

હકીકતમાં, તેના માતા-પિતાએ જ તેને પોલીસને સોંપ્યો હતો. પોલીસે તેના માતા-પિતાને જણાવ્યું હતું કે, પૂછપરછ કરીને ‘બીજા દિવસે’ તેને છોડી મૂકવામા આવશે, પણ, છેલ્લા 27 વર્ષથી તેના માતા-પિતા એ ‘બીજા દિવસ’ની રાહ જોઈ રહ્યા છે.

દીકરાને છોડાવવા દરેક દરવાજા ખખડાવ્યા, પણ..

તમિલનાડુમાં તેના પરિવારમાં એરિવુ તરીકે ઓળખાતા પેરારિવલને સીબીઆઈ 1991માં પૂછપરછ માટે લઈ ગઈ હતી, પણ સીબીઆઈએ પેરારિવલના માતા-પિતાને આપેલી ખાતરી મુજબ તેને બીજા દિવસે ન છોડ્યો અને એટલું જ નહીં, તેની માતાને મળવા પણ ન દેવાઈ. તે પછી 59 દિવસ સુધી પેરારિવલ ક્યાં છે તેના વિશે તેના પરિવારને કોઈ જાણ ન હતી.

તેના માતા-પિતા કોર્ટમાં કેસ કરવામાં પણ ખચકાતા હતા, કેમકે તેમ કરવાથી તેમનો દીકરો પોલીસ કસ્ટડીમાં છે તે જાહેર થઈ જાય તેમ હતું. તેમને એમ હતું કે, તેમનો દીકરાએ કોઈ ગુનો કર્યો નથી, એટલે જલદી છૂટી જશે.

તેમને ભારતની ન્યાય પ્રણાલી પર વિશ્વાસ હતો. તેમને આશા હતી કે, નિર્દોષને સજા નહીં અપાય. આ આશા સાથે જ પેરારિવલ અને તેના પરિવારે આ 27 વર્ષ લાંબી કાયદાકીય લડાઈ લડી છે. તેમણે પોતાની નિર્દોષતા સાબિત કરવા માટે દરેક દરવાજા ખખડાવ્યા અને હજુ પણ ખખડાવી રહ્યા છે.

જોકે, હજુ તેમણે આશા નથી છોડી. જ્યારે પણ તેમને નિરાશા ઘેરી વળતી, કોઈ કુદરતી તાકાત મદદે આવતી અને તેમને લડવા માટે નવી શક્તિ મળતી અને તેઓ ફરીથી ન્યાય માટે ઝઝૂમવા લાગતા. આ શક્તિ તેમને પોતે સાચા હોવાથી મળતી હતી. સચ્ચાઈ એ છે કે, પેરારિવલનો રાજીવ ગાંધીની હત્યામાં કોઈ હાથ નથી.

પેરારિવલે ખરીદેલી બેટરી બોંબમાં વપરાઈ હતી.

પેરારિવલ પર આરોપ છે કે, તેણે 9 વોલ્ટની બેટરી ખરીદી હતી અને સપ્લાય કરી હતી. આ બેટરીનો ઉપયોગ રાજીવ ગાંધીની હત્યા માટે બોંબ બનાવવા માટે કરવામાં આવ્યો હતો. 9 વોલ્ટની બેટરી એ એવી વસ્તુ છે જે કોઈપણ ઈલેક્ટ્રિકની દુકાને સરળતાથી મળી જાય છે.

પેરારિવલ વિરુદ્ધ પુરાવા એ હતા કે, દુકાનદારે પણ પોતાના સ્ટેટમેન્ટમાં જણાવ્યું હતું કે, પેરારિવલે એ બેટરી તેની દુકાનેથી ખરીદી હતી. આશ્ચર્યની વાત એ છે કે, બેટરી ખરીદાયાના કેટલાક મહિનાઓ પછી પણ દુકાનદારને બેટરી ખરીદનાર યાદ હતો.

એનાથી મોટી આશ્ચર્યની વાત એ છે કે, પેરારિવલને જ્યારે પકડવામાં આવ્યો ત્યારે તેના પોકેટમાંથી એ બેટરીનું બિલ પોલીસને મળી આવ્યું હતું, જે તેણે કેટલાક મહિનાઓ પહેલા ખરીદી હતી. આ ઉપરાંત પેરારિવલે પોતે બેટરી ખરીદ્યાની કબૂલાત કરી છે. તેનું સ્ટેટમેન્ટ રેકોર્ડ કરાયું છે.

કબુલાતનામાનો બીજો ભાગ ઘણું બધું સ્પષ્ટ કરે છે.

રેકોર્ડ મુજબ, કબૂલાતનામામાં પેરારિવલે સ્વીકાર્યું છે કે, તેણે બેટરી ખરીદી હતી અને આ હત્યાના માસ્ટરમાઈન્ડ સિવરાસનને આપી હતી. જોકે, આ કબૂલાતનામાનો એક જ ભાગ છે. બીજો ભાગ ઘણું બધું સ્પષ્ટ કરી જાય છે. જેમાં પેરારિવલે કહ્યું હતું કે, તેને બેટરીનો શું ઉપયોગ થવાનો છે તેની જાણ હતી.

27 ઓક્ટોબર, 2017એ એક્સ-સીબીઆઈ અધિકારી વી. થિઆગરાજન ( એ સમયે એસપી હતા અને ADGP તરીકે રિટાયર્ડ થયા છે)એ સુપ્રીમ કોર્ટમાં એક એફિડેવિટ ફાઈલ કરી હતી, તેમાં કબૂલાત નામાના આ ભાગનો ખુલાસો તેમણે કર્યો છે. તેમણે કહ્યું છે કે, આ ગુનામાં પેરારિવલની ભૂમિકા વિશે સીબીઆઈ સ્પષ્ટ ન હતી, પણ આ હત્યાના કાવતરા વિશે તે અજાણ હતો તે વાત કન્ફર્મ્ડ હતી.

હકીકતમાં થિઆગરાજન એ વાયરલેસ મેસેજની વાત કરી રહ્યા હતા, જે 7 મે, 1991એ માસ્ટમાઈન્ડ સિવરાસન અને એલટીટીઈના ટોપ ઓપરેટિવ ‘પોટ્ટુ અમ્મન’ વચ્ચે થયો હતો. આ મેસેજમા સિવરાસન કહ્યું હતું કે, તેમના ઉદ્દેશ્ય વિશે તેના અને આત્મઘાતી બોંબર સુભા અને ધાનુ એ ત્રણ સિવાય કોઈને જાણ નથી. આ વાયરલેસ મેસેજ સ્પષ્ટ કરે છે કે, પેરારિવલને રાજીવ ગાંધીની હત્યાના કાવતરામાં વિશ્વાસમાં લેવાયો ન હતો. એટલે જ, પેરારિવલને મોતની સજા તેના કબૂલાતનામાના આધારે જ આપવામાં આવી છે,

તે સ્પષ્ટ છે. હવે, 27 વર્ષ પછી તેના કબૂલાત નામાની વિશ્વાસનીયતા રહી નથી. પણ, શું તેના આધાર પર તેને મોતની સજામાંથી મુક્તિ મળશે? તેના મોતની તારીખ ઘણી વખત નક્કી કરાઈ અને પાછી ઠેલાઈ ચૂકી છે.

જેલમાં પણ અભ્યાસ નથી છોડ્યો.

જોલાર્પેટ જેવા નાના શહેરમાં એક સ્કૂલ ટીચરના ઘરે જન્મેલા પેરારિવલની ધરપકડે તેના આખા પરિવારને હચમચાવી નાંખ્યું. જોકે, તે અને તેનો પરિવાર ક્યારેય હિંમત હાર્યો નથી અને આજે પણ ન્યાય માટે લડી રહ્યા છે. પેરારિવલે જેલમાં રહીને 12મા ધોરણની પરીક્ષા આપી હતી અને 91.33 ટકા લાવ્યો હતો. તમિલનાડુ ઓપન યુનિવર્સિટીમાંથી કરેલા ડિપ્લોમા કોર્સમાં તેણે ગોલ્ડ મેડલ મેળવ્યો છે.

તે હાલમાં કોમ્પ્યુટર એપ્લિકેશન્સમાં માસ્ટર ડિગ્રી કરી રહ્યો છે.તે જેલમાં અન્ય કેદીઓ સાથે મળીને મ્યૂઝિક બેન્ડ પણ ચલાવે છે. તેનાથી પ્રેરિત થઈને અન્ય એક કેદી પોન્નાપ્પને જેલમાંથી છૂટ્યા બાદ કાંચીપુરમમાં એક ટ્રસ્ટ બનાવ્યું છે, જેમાં તે ગરીબ બાળકોને શિક્ષણ આપવાનું કામ કરે છે. આ ટ્રસ્ટનું તેણે નામ ‘પેરારિવલ એજ્યુકેશન ટ્રસ્ટ’ રાખ્યું છે. એટલું જ નહીં, તમિલનાડુમાં ઘણા બાળકોના નામ પેરારિવલ પાડવામાં આવ્યા છે.

71 વર્ષની માતાએ હજુ પણ નથી છોડી આશા.

તેની માતા અપુથ્થમ અત્યારે 71 વર્ષના છે. તેમને હવે આંખે ઓછું દેખાય છે. પણ, તેમણે દીકરાની છૂટવાની આશા હજુ છોડી નથી. તમિલનાડુમાં ઘણા લોકો એવા છે, જેમને પેરારિવલનો ચહેરો યાદ નથી, પણ તેઓ અપુથ્થમને સારી રીતે જાણે છે.

તે આ ઉંમરે જેલ, કોર્ટ અને વકીલોની ઓફિસોના ધક્કા ખાઈ રહ્યાં છે, માત્ર એ આશાએ કે એક દિવસ તેમનો દીકરો ચોક્કસ જેલમાંથી બહાર આવશે.

loading...