News

આ રીતે તમે ખરીદી શકો છો સસ્તું પેટ્રોલ અને ડીઝલ..!!

આ રીતથી કરો ખરીદી પેટ્રોલ-ડીઝલના ભાવ ભડકે બળે છે. મંગળવારે દિલ્હીમાં પેટ્રોલની કિંમત 76.87 રૂપિયા પ્રતિ લિટર હતી તો ડીઝલ…

આ રીતથી કરો ખરીદી

પેટ્રોલ-ડીઝલના ભાવ ભડકે બળે છે. મંગળવારે દિલ્હીમાં પેટ્રોલની કિંમત 76.87 રૂપિયા પ્રતિ લિટર હતી તો ડીઝલ 68.08 રૂપિયા પ્રતિ લિટર હતું. દેશની આર્થિક રાજધાનીમાં પેટ્રોલ 84.70 અને ડીઝલ 72.48 રૂપિયા છે. આ મોંઘવારીમાં તમે કેટલાક પગલા ઉઠાવીને સારુ સેવિંગ કરી શકો છો.

કેશલેસ પેમેન્ટ
પેટ્રોલ પંપમાં જો તમે કેશ પેમેન્ટ કરો છો તો તમારે નિર્ધારિત મૂલ્ય આપવું પડશે પરંતુ જો કેશલેસ માધ્યમ હશે તો તમને 0.75 ટકા છુટ મળી શકે છે. આ કારણે કેશલેસ પેમેન્ટમાં તમને સરળતા રહે છે.

મોબાઈલ વોલેટ
મોબાઈલ વોલેટ પેટ્રોલ-ડીઝલની ખરીદી પર ભારે છૂટ આપે છે. મોબિક્વિકનો ઉપયોગ કરવાથી 10 ટકાની છૂટ મળે છે. તમારે ઓછામાં ઓછું 50 રૂપિયાનું પેટ્રોલ પૂરાવવું પડશે. આ પછી જે સુપરકેશ મળશે તેના પાંચ ટકાનો ઉપયોગ તમે પેટ્રોલ-ડીઝલ લેવા માટે કરી શકશો.

ઈન્ડિયન ઓઈલ
ઈન્ડિયન ઓઈલના એક્સ્ટ્રા રિવોર્ડ્સ લોયલ્ટી પ્રોગ્રામનો ભાગ બનીને તમે પેટ્રોલ ડીઝલ પર ખર્ચ કરી શકો છો. આમ કરવાથી પણ તમે રિવોર્ડ પોઈન્ટ મેળવી શકો છો.

ક્રેડિટ/ડેબિટ કાર્ડ
અનેક બેંક પોતાના ડેબિટ અને ક્રેડિટ કાર્ડ પર ફ્યૂઅલ સરચાર્જમાં છુટ આપે છે. અનેક બેંક પેટ્રોલ-ડીઝલ ખરીદવા પર અલગથી કાર્ડ પણ આપે છે. જેમનો ઉપયોગ કરીને પણ છુટ મેળવી શકાય છે.

ભીમ એપ
જો તમે ભીમ એપ્લિકેશન દ્વારા કંઈપણ ખરીદો છો તો તમને 750 રુપિયાનું કેશબેક મળે છે. આ રીતે દર મહિને તમને 750 સુધીનું કેશબેક મળી શકે છે. પેટ્રોલ-ડીઝલ ખરીદવાથી આ ફાયદો મળી શકે છે. આ સાથે જ ભીમ એપ્લિકેશનથી પહેલું પેમેન્ટ કરવાથી 51 રુપિયાનું કેશબેક મળે છે.

વિશેષ ઓફર
પેટ્રોલ કંપનીઓ વધારે વપરાશકર્તા ગ્રાહકો માટે પણ વિશેષ ઓફર લાવે છે. આ બાબતે હંમેશા નજર રાખવી જોઈએ અને કંપનીઓની ઓફરનો લાભ ઉઠાવવો જોઈએ.

આ રીતે કરો બચત
ઉપરોક્ત રીત ઉપરાંત તમે વાહનો હંકારવાના માપદંડને આધારમાં રાખી પેટ્રોલની બચત કરી શકો છો. જેમ કે, રેડલાઈટ પર વાહનને ચાલુ ન રાખવું જોઈએ. આ ઉપરાંત કારની ઝડપ 40-50 કિ.મી વચ્ચે રાખીને પણ તમે 20 ટકા સુધીનું ઈંધણ બચાવી શકો છો.

loading...