News, Politics

મોદી ની આ ઈચ્છા પૂરી નહીં થાય ! અમિત શાહે કહ્યું ” શક્ય નથી “…!

મોદીની ઇચ્છા અધૂરી રહેશે નવી દિલ્હીઃ લોકસભા અને વિધાનસભાની ચૂંટણીઓ એકસાથે કરવા માટે પીએમ મોદીએ એડીચોટીનું જોર લગાવ્યું હતું. એવી…

મોદીની ઇચ્છા અધૂરી રહેશે

નવી દિલ્હીઃ લોકસભા અને વિધાનસભાની ચૂંટણીઓ એકસાથે કરવા માટે પીએમ મોદીએ એડીચોટીનું જોર લગાવ્યું હતું. એવી થિયરી પણ આપવામા આવી રહી હતી કે ચૂંટણી સાથે કરવા માટે કેટલાક રાજ્યોમાં નિશ્ચિત સમય સુધી રાષ્ટ્રપતિ શાસન લગાવી દેવામાં આવી શકે છે તો કેટલકા રાજ્યોની વિધાનસભાનો કાર્યકાળ સમય કરતાં વહેલો પૂરો કરવામાં આવી શકે છે. બીજી થિયરી એવી પણ ચર્ચાઇ રહી હતી કે લોકસભાની ચૂંટણી સમય પહેલાં યોજાય શકે છે. જો કે ભાજપના રાષ્ટ્રીય અધ્યક્ષ અમિત શાહે આ તમામ અટકળો પર પૂર્ણ વિરામ લગાવી દીધું છે.

અમિત શાહની સ્પષ્ટતા

Bengaluru: BJP National Preisdent Amit Shah speaks at a press conference during his three day visit to Bengaluru on Monday.
ભાજપના રાષ્ટ્રીય અધ્યક્ષ અમિત શાહે 2019 લોકસભાની ચૂંટણી સમય પહેલાં યોજવાની સંભાવનાઓને નકારી કાઢી છે. સાથે જ એમણે એમ પણ કહ્યું કે અત્યારે વિધાનસભા અને લોકસભાની ચૂંટણી એક સાથે યોજવી શક્ય નથી, કેમ કે રાજનૈતિક સહમતિ બન્યા વિના આ શક્ય નથી.

મીડિયામાં ચર્ચાએ જોર પકડ્યું હતું

તાજેતરમાં જ અમિત શાહને એક ઇન્ટર્વ્યૂમાં સવાલ કરવામા આવ્યો હતો કે એનડીએ સરકાર સમય પહેલાં જ ચૂંટણી કરાવવા પર વિચાર કરી રહી છે, તેના જવાબમાં અમિત શાહે સ્પષ્ટ ‘ના’ કહી દીધી હતી. ઉલ્લેખનીય છે કે નિશ્ચિત સમય મુજબ આગામી લોકસભાની ચૂ્ંટણી મે 2019માં યોજાઇ શકે છે. મીડિયામાં ચર્ચા હતી કે રાજસ્થાન, મધ્ય પ્રદેશ અને છત્તીસગઢની ચૂંટણીની સાથે જ લોકસભાની ચૂંટણી યોજવામા આવી શકે છે. પીએમ મોદીએ લોકસભા અને તમામ વિધાનસભાની ચૂંટણી એકસાથે કરવાની વાત કરી ત્યારથી આ ચર્ચાએ જોર પકડ્યું હતું.

એ પીએમનો વિચાર હતો

ઇન્ટર્વૂયમાં અમિત શાહે કહ્યું કે, ‘પીએમ મોદીએ દેશની સામે એક વિચાર રાખ્યો છે અને આ મામલે એમણે સાર્વજનિક ચર્ચા કરવાની વાત કહી છે. પરંતુ આ મામલે ત્યારે જ પ્રગતિ થઇ શકે છે, જ્યારે તમામ રાજનૈતિક દળ આનું સમર્થન કરે અને આના અંગે એક કાયદો બનાવવામાં આવે. ઉપરાંત ચૂંટણી આયોગની પણ આના પર સહમતી હોય ત્યારે જ આ વસ્તુ શક્ય છે.’

તમામ રાજકીય દળની સહમતી જોઇએ

એમણે કહ્યું કે, ‘જો તમામ રાજકીય દળ આ વાત પર સહમત થઇ જાય તો ગમે ત્યારે લોકસભા અને વિધાનસભાની ચૂંટણી એકસાથે યોજી શકાય. આના માટે આરપી એક્ટમાં ફેરફાર કરવો પડશે આ ફેરફાર સંસમદમાં જ થઇ શકે છે. આવા ફેરફાર ગુપચૂપ રીતે ન કરી શકાય.’ ઉલ્લેખનીય છે કે વિધિ આયોગ પણ ટૂંક સમયમાં જ દેશભરની તમામ વિધાનસભા અને લોકસભાની ચૂંટણી એકસાથે કરવા માટે ભલામણ કરી શકે છે. હાલ આયોગે આ બાબત પર વિચાર કરવા માટે ડ્રાફ્ટ તૈયાર કરી લીધો છે.

loading...