Relationship, Social

સુરત:૧ લાખ માં વેચી, છોકરીના બરજબરીથી કરાવી દીધા લગ્ન.

બોયફ્રેન્ડે કર્યું અપહરણ સુરતમાં 21 વર્ષીય છોકરીને વેચી મારવાનો મામલો સામે આવ્યો છે. છોકરીના બોયફ્રેન્ડે તેને 1 લાખમાં વેચી મારી…

બોયફ્રેન્ડે કર્યું અપહરણ

સુરતમાં 21 વર્ષીય છોકરીને વેચી મારવાનો મામલો સામે આવ્યો છે. છોકરીના બોયફ્રેન્ડે તેને 1 લાખમાં વેચી મારી હતી. જો કે બનાસકાંઠાના એક યુવકે પીડિતાને બચાવીને જબરદસ્તીથી બીજા કોઈ યુવક સાથે લગ્ન કરાવી દીધાં હતાં. ઉમરપાડામાં રહેતી નિશા વસાવાનું અપહરણ કરી તેને 1 લાખમાં વેચી મારવામા આવી હતી. બાદમાં તેને પોતાના મિત્ર જુલિયેશ વસાવા સહિતના કેટલાક લોકો સાબરકાંઠા લાવ્યા હતા. લગ્નનું વચન આપી જુલિયેશ વસાવાએ છોકરીનું અપહરણ કર્યું હતું. જો કે જુલિયેશે તેને દગો આપી કલ્પેશ મકવાણા સાથે જબરદસ્તીથી પરણાવી દીધી હતી.

બળજરીથી પરણાવી દીધી હતી

ઉમરપાડા પોલીસ ઇન્સપેક્ટર વીએન તડવીએ કહ્યું કે પીડિતાએ 6 મહિના બાદ અપહરણ અને જબરદસ્તીથી લગ્ન થયાં હોવાનું કલ્પેશ મકવાણાને જણાવ્યું ત્યારે કલ્પેશ તે છોકરીને એના ઘરે મૂકી આવ્યો હતો, જો કે કલ્પેશનો આ સ્વભાવ જોઈને હવે નિશાએ કલ્પેશની પત્ની તરીકે રહેવાનું નક્કી કર્યું છે. નિશાએ ડેડિયાપાળામાં રહેતા જુલિયેશ ઉપરાંત ધરમપુરમાં રહેતા માયા, રાણી અને સંજય પર અપહરણનો આરોપ લગાવ્યો છે. આરોપીઓ સામે ઇન્ડિયન પિનલ કોડની ધારા 365 (અપહરણ) અને ધારા 366 (લગ્ન માટે દબાણ કરવું) અંતર્ગત કેસ દાખલ કર્યો છે.

જોબની શોધમાં સુરત ગઈ હતી

ગયા વર્ષે ઓગસ્ટ મહિનામાં પોતાની નર્સ મિત્ર સાથે રહેવા માટે નિશા સુરત આવી હતી. નિશા અહીં જોબ શોધવા માટે આવી હતી અને એક અઠવાડિયું રહ્યા બાદ પણ તેને નોકરી નહોતી મળી. જુલિયેશ ક્યારેક ક્યારેક તેને ફોન કરતો હતો અને એક વખત લગ્નનો વાદો આપી પોતાની સાથે રહેવા કહ્યું. થોડા દિવસો બાદ ડેડિયાપાળાના ભૂતભેડા ગામે લઈ જવા માટે અશોક નિશાને તેડવા આવ્યો હતો. અહીં નિશા પોતાની કાકીના ઘરે 2 દિવસ સુધી રહી અને બાદમાં જુલિયેશ નિશાને પોતાની સાથે રહેવા માટે લઈ ગયો હતો.

આવી રીતે થયું અપહરણ

પાંચ દિવસ સુધી જુલિયેશની સાથે રહેવા બાદ કંઈક કામ હોવાનું કહી જુલિયેશ જતો રહ્યો હતો. કેટલાક દિવસો રાહ જોયા બાદ અશોક આવ્યો અને તે જુલિયેશ પાસે સુરત લઈ જશે તેવું બહાનું બનાવી નિશાને પોતાની જોડે લઈ ગયો હતો. સુરતમાં એક મહિલા સાથે થોડા દિવસ રાખ્યા બાદ જુલિયેશની સાથે મળાવશે તેવું બહાનું બનાવી ટ્રેન દ્વારા તે નિશાને અમદાવાદ લાવ્યો હતો. પછી છોકરીને ધરાપુર ગામ સ્થિત રાણીના ઘરે લઈ જવામાં આવી જ્યાંથી બળજબરીથી કલ્પેશ મકવાણા સાથે છોકરીનાં લગ્ન કરાવી દેવામા આવ્યાં હતાં.

આરોપીઓની શોધખોળ શરૂ

જો કે દગો આપીને કેવી રીતે બળજબરીથી લગ્ન કરાવી દેવામા આ્યાં તે અંગે નિશાએ કલ્પેશને જાણ કરતાં કલ્પેશે નિશાને એના ઘરે મૂકી જવાનો નિર્ણય લીધો. પોલીસે જણાવ્યા મુજબ આરોપીઓની શોધખોળ શરૂ થઈ ગઈ છે અને પકડાય ગયા પછી અગાઉ આવા ગુનામાં સંડોવાયેલા છે કે નહીં તે દિશામાં તપાસ હાથ ધરશે.

loading...