Social

UP: અલ્ટ્રાસાઉન્ડ રિપોર્ટ માં ડોક્ટરે કહ્યું, પ્રેગનન્ટ યુવક આઘાતમાં..!

ઉત્તરપ્રદેશના એટા જિલ્લાનો કિસ્સો અલીગઢઃ ઉત્તર પ્રદેશની એક ખાનગી હોસ્પિટલે પેટમાં દુખાવાથી પરેશાન એક યુવકની સારવાર માટે અલ્ટ્રાસાઉન્ડ ટેસ્ટ કર્યો…

ઉત્તરપ્રદેશના એટા જિલ્લાનો કિસ્સો

અલીગઢઃ ઉત્તર પ્રદેશની એક ખાનગી હોસ્પિટલે પેટમાં દુખાવાથી પરેશાન એક યુવકની સારવાર માટે અલ્ટ્રાસાઉન્ડ ટેસ્ટ કર્યો હતો, જેમાં તેમણે તેને પ્રેગ્નેન્ટ હોવાનું જણાવ્યું. ત્યાર બાદથી યુવક આઘાતમાં સરી પડ્યો છે. એટા જિલ્લાના અલીગંજમાં રહેતા 22 વર્ષના દર્શને અલ્ટ્રાસાઉન્ડનો રિપોર્ટ કરાવ્યો હતો. રિપોર્ટ બાદ યુવકને માનસિક આઘાત લાગ્યો હતો અને બદનામીના ડરે રડવા લાગ્યો હતો. યુવકે આ રિપોર્ટને લાપરવાહી ગણાવતા તેને ચેલેન્જ આપી છે અને જિલ્લાના ડીએ, સીમએમઓથી લઈને મુખ્યમંત્રી સુધી લેખિત ફરિયાદ કરી છે. આ કેસ ક્વાર્સી પોલીસ સ્ટેશન વિસ્તાર સ્થિત સનરાઇઝ હોસ્પિટલનો છે.

મિત્રની સલાહ પર ટેસ્ટ કરાવ્યો

એટા જિલ્લાનો અલીગંજ નિવાસી દર્શન છેલ્લાં ચાર વર્ષથી કાસિમપુર સ્થિત એક સીમેન્ટ ફેક્ટરીમાં ડ્રાઇવર તરીકે નોકરી કરે છે. થોડા દિવસથી દર્શનના પેટમાં દુખાવાની ફરિયાદ હતી, ત્યાર બાદ એક મિત્રની સલાહ પર તે ગુરુવારે સારવાર માટે સનરાઇઝ હોસ્પિટલમાં પહોંચ્યો હતો. દર્શન કહે છે કે, હોસ્પિટલમાં તેના બે ટેસ્ટ કરવામાં આવ્યા હતા, જેમાંથી એક અલ્ટ્રાસાઉન્ડ પણ હતો. તપાસ બાદ દર્શનને રિપોર્ટ આપીને તેને કોઈ સારા ડોક્ટર પાસે સારવાર કરાવવાનું કહેવામાં આવ્યું હતું.

સુપરવાઇઝરને રિપોર્ટ બતાવતા જાણી હકીકત

શિક્ષિત ન હોવાને લીધે દર્શને આ રિપોર્ટ ફેક્ટરીમાં સુપરવાઇઝરને બતાવ્યો હતો. રિપોર્ટ જોઈને સુપરવાઇઝર પણ ચોંકી ગયો હતો અને દર્શનને તે પ્રેગ્નેન્ટ હોવાની વાત કહી હતી. આ સાંભળીને તેના પગ નીચેથી જમીન સરકી ગઈ હતી. એક અન્ય ડોક્ટરે પણ આ વાતની પુષ્ટિ કરી હતી. આ વાત ફેક્ટરીમાં ફેલાઈ ગઈ તો બદનામીના ડરે દર્શન તણાવમાં છે.

હોસ્પિટલને સબક શીખવાડવા કરી ફરિયાદ

દર્શને ડીએમને ફરિયાદ કરી હોસ્પિટલ સંચાલક ડો. આલોક ગુપ્તા અને અલ્ટ્રાસાઉન્ડ કરનારા સ્ટાફ સામે સખત કાર્યવાહીની માગ કરી છે. દર્શને ફરિયાદની કોપી સીએમઓને પણ મોકલી છે. તેણે હોસ્પિટલને પાઠ ભણાવવા માટે આ ફરિયાદ કરી છે.

રિપોર્ટ પર ડોક્ટરની સાઇન

અલ્ટ્રાસાઉન્ડનો રિપોર્ટ સનરાઇઝ હોસ્પિટલના ડો. આલોક ગુપ્તાની સાઇન સાથે ગુરુવારે આપવામાં આવ્યો હતો. રિપોર્ટમાં 22 વર્ષીય યુવક દર્શનની તપાસનો નિષ્કર્ષ એવો છે કે, તેની ફલોપિયન ટ્યૂબમાં ગર્ભ રહી ગયો છે. આ રિપોર્ટમાં કિડનની નળીમાં સોજો બતાવવામાં આવ્યો છે. રિપોર્ટ પરથી જાણવા મળે છે કે, અલ્ટ્રાસાઉન્ડ કિડનીનું જ કરવામાં આવ્યું હતું, પરંતુ આ તપાસમાં તેને પ્રેગ્નેન્ટ જાહેર કરી દેવાયો.

loading...