Stories

ટ્રેન માં 12 વર્ષની ઉંમરે જોયેલા એક દશ્યે આ યુવક ની આખી જિંદગી બદલી નાખી..!!

આ છે NDF પાસઆઉટ આદિત્ય દુબે ભોપાલનો આદિત્ય દુબે તાજેતરમાં જ નેશનલ ડિફેન્સ એકેડેમી (NDF)માં ‘ગોલ્ડ ટોર્ચ’ સાથે પાસ થયો…

Loading...

આ છે NDF પાસઆઉટ આદિત્ય દુબે

ભોપાલનો આદિત્ય દુબે તાજેતરમાં જ નેશનલ ડિફેન્સ એકેડેમી (NDF)માં ‘ગોલ્ડ ટોર્ચ’ સાથે પાસ થયો છે. તેને અભ્યાસમાં શ્રેષ્ઠ પ્રદર્શન બદલ આ ટાઇટલ આપવામાં આવ્યું છે. તાજેતરમાં જ કે ત્રણ વર્ષની પ્રાથમિક તાલીમ લઈને ઘરે પાછો ફર્યો હતો. આજે તે આપણને એક ટ્રેન મુસાફરી વિશે જણાવી રહ્યો છે, જેમાં જોયેલા એક દૃશ્યે તેને દેશની સેવા માટે પ્રેરણા આપી.

આ રીતે મળી દેશસેવાની પ્રેરણા

વાત છે 12 વર્ષ પહેલાંની. આદિત્ય કહે છે કે, ‘હું મારા દાદા કૈલાસ પ્રસાદ દુબે સાથે ટ્રેનમાં મુસાફરી કરી રહ્યો હતો. તેમાં ખૂબ જ ભીડ હતી, તેમાં એક સૈનિક પણ ઊભેલો હતો. મારા દાદાએ તેમને બેસવા માટે જગ્યા ઓફર કરી. હું ચોંકી ગયો. આ એ જ દિવસ હતો, જ્યારે મને અહેસાસ થયો કે, દરેક જગ્યાઓએ સૈનિકને કેટલું સન્માન મળતું હોય છે.’

NDFની તૈયારી, માતાપિતાને જરાય જાણ નથી

ત્યાર બાદ આદિત્યે નેશનલ ડિફેન્સ એકેડેમી માટે ધ્યાન આપવાનું શરૂ કર્યું, જેનો તેના માતાપિતાને જરા પણ અંદાજો નહોતો. હવે ઘરમાં બંને બહેનો આઈઆઈટીમાં અભ્યાસ કરતી હોય તો સ્વાભાવિક છે કે, માતાપિતા પણ ઘરના છોકરા પાસે આવી આશા રાખતા હોય. જોકે તેણે વિશ્વની પહેલી ટ્રાઈ-સર્વિસ એકેડેમીને પસંદ કરી.

દેખાતો હતો માત્ર યુનિફોર્મ

આદિત્યના પિતા અભિલાષ દુબે કહે છે કે, ‘આદિત્ય ઘરમાં સૌથી નાનો છે. અમે ઇચ્છતા હતા કે તે આઈઆઈટીમાં જાય. અભિલાષ દુબે વ્યાપમમાં સિનિયર ફાઇનાન્સ ઓફિસર છે. ભોપાલના શિવાજીનગરમાં રહેતા આદિત્યનું સ્કૂલિંગ BHELની જવાહર લાલ નેહરુ સ્કૂલમાંથી થયું છે. જોકે તેણે પિતાની આજ્ઞાનું પાલન કરતા આઈઆઈટીની તૈયારી શરૂ કરી દીધું હતું, પરંતુ તેને તો માત્ર ઑલિવ ગ્રીન યુનિફોર્મ જ દેખાતો હતો.

આ રીતે છુપાઈ છુપાઈને કરી NDAની તૈયારી

અભિલાષ દુબે કહે છે કે, ‘આદિત્ય આઈઆઈટી કોચિંગ મેન્યુઅલની અંદર એનડીએની બુક્સ છુપાવીને તેનો અભ્યાસ કરતો હતો. મને એ વાતનો ગર્વ છે કે, મહાભારતના અર્જુનની જેમ તેનું ધ્યાન તેના લક્ષ્ય પર હતું. એટલું જ નહિ, તેણે આ અઘરી પરીક્ષાને પ્રથમ પ્રયાસમાં જ પાસ કરી દીધી હતી.’ આદિત્યને આર્મી ચીફ બિપીન રાવતની જેમ ચાર્લી સ્કાડ્રન (ટુકડી) ફાળવવામાં આવી છે.

પરિવારથી દૂર એકલા આમ મળી હિંમત

આદિત્ય કહે છે કે, ‘સ્કૂલમાં હું રનિંગ અને ભારે કસરતો કરવાનું ટાળતો હતો, પણ અહીં વારંવાર ક્રોસ-કન્ટ્રી રનિંગ કરું છું. મેં સાંભળ્યું હતું કે, NDAમાં ખૂબ જ ટફ પ્રેક્ટિસ હોય છે. હું શરૂઆતમાં પરિવારને ખૂબ મિસ કરતો હતો. આ દરમિયાન મારી બહેનોએ મને હિંમત આપવામાં ખૂબ મોટી ભૂમિકા ભજવી હતી. ધીમે ધીમે મને અહેસાસ થયો કે હું એ બહુ ઓછા લોકોમાં છું, જેમને એનડીએનો ભાગ લેવાની તક મળી.’

‘નથી બેસવું ઓફિસમાં…’

આદિત્ય હવે ઇન્ડિયન મિલિટરી એકેડેમીમાં ટ્રેનિંગ લેશે. તે કહે કે તેને અધિકારીની જેમ ઓફિસમાં બેસવું નથી, પણ દુશ્મનો પર નજર રાખવા અને તેમનો સામનો કરવા માટે ફીલ્ડ પર રહેવું છે.

loading...